A Axencia Galega de Innovación – Xunta de Galicia lanzou unha chamada para identificar todas as capacidades do Sistema Galego de Innovación na loita contra o novo coronavirus.
O obxectivo é recoller propostas, a través dun formulario web, para empresas ou centros de coñecemento que dispoñan de solucións innovadoras maduras que axuden a loitar contra o COVID-19.
Estas solucións innovadoras teñen que poder implementarse nun prazo de tempo moi curto, en ámbitos directamente relacionados co brote do COVID-19. Por exemplo:
- Novos dispositivos de intervención ou tratamento
- Soluciones para fabricación de ventiladores invasivos;
- Equipos de protección individuais ou colectivos (máscaras, cortinas, traxes, gorros, luvas…)
- Detección e destrución do virus, sistemas de desinfección masivos…
Trátase de achegar solucións que poidan ser útiles ás autoridades sanitarias para loitar contra o coronavirus.
A Axencia Galega de Innovación realizará un filtro das propostas que cheguen e ofrecerá financiamento para aquelas que resulten de interese.
O prazo límite para achegar as solucións é o venres 27 de marzo.
Adxúntase link de acceso ao formulario:
Xestor de Contacto: Pilar Cal Purriños
E-mail: Pilar.cal.purrinos@sergas.es
Teléfono: 981178150
Extensión: 292159
Link de acceso: http://gain.xunta.gal/artigos/432/investigacion+innovacion+fronte+ao+coronavirus
Link ao Formulario: http://xornadas.galiciainnovacion.es/covid19/index.php