A Noite Europea das Persoas Investigadoras é un evento de divulgación científica que se celebra de maneira simultánea en cidades de toda Europa o último venres de setembro. O persoal investigador é o protagonista, mostrando a diversidade da ciencia e tecnoloxía e o seu impacto na vida da cidadanía.
Este ano, esta iniciativa celebrarase en Galicia baixo a denominación « G- Night» e o lema “Conciencias creativas”. Estará coordinada pola Universidade de Vigo coa participación da Universidade da Coruña e a Universidade de Santiago, o INIBIC e diferentes centros e institutos tecnolóxicos e de investigación
No marco deste evento, terán lugar actividades de divulgación nas principais cidades galegas, que terán o obxectivo de achegar a profesión investigadora á cidadanía, poñendo en valor a importancia da actividade na sociedade e tratando de espertar vocacións científicas.
Esta acción conta cun financiamento de preto de 154.000 euros, procedentes do programa marco H2020, a través das Marie Sklodowska- Curie Actions ( MSCA).
Participantes: Universidade de Vigo (coordinadora) • Universidade da Coruña • Universidade de Santiago de Compostela • CESGA, Centro de Supercomputación de Galicia • Unidade de Cultura Científica dá Delegación do CSIC en Galicia e Insituto de Investigacións Mariñas • Instituto Español de Oceanografía – Vigo (agora parte do CSIC tamén) • Gradiant, Centro Tecnolóxico dás Telecomunicacións de Galicia • INIBIC, Instituto de Investigación Biomédica da Coruña • SEBBM, Sociedade Española de Bioquímica e Bioloxía Molecular • ITMATI, Instituto Tecnolóxico dá Matemática Industrial.